बाजुरा, असार १८ — जगन्नाथ गाउँपालिका बाजुरास्थित सहयात्री समृद्ध समाजले एक जना लेखापाल (Accountant) पदमा कर्मचारी नियुक्तिका लागि आवेदन आह्वान गरेको छ।
संस्थाले प्रकाशित गरेको सूचनाअनुसार उक्त पदका लागि +२ (व्यवस्थापन) वा BBS/BBA उत्तीर्ण उम्मेदवारले आवेदन दिन सक्नेछन्। लेखा तथा वित्त व्यवस्थापनसम्बन्धी अनुभव भएका, कम्प्युटर (MS Excel, Word) तथा सम्बन्धित सफ्टवेयर सञ्चालन गर्न सक्ने उम्मेदवारलाई प्राथमिकता दिइनेछ। उम्मेदवारको उमेर १८ वर्ष पूरा भई ४० वर्ष ननाघेको हुनुपर्ने उल्लेख गरिएको छ।
आवेदनसँग निवेदन, व्यक्तिगत विवरण (CV/Bio-data), शैक्षिक योग्यताको प्रमाणपत्र, अनुभवका प्रमाणपत्र, नेपाली नागरिकताको प्रतिलिपि तथा पासपोर्ट साइजका दुई प्रति फोटो पेश गर्नुपर्नेछ।
आवेदन दिने अन्तिम मिति २०८३ असार २२ गते कार्यालय समयभित्र तोकिएको छ भने आवेदन दस्तुर रु. ५०० निर्धारण गरिएको छ। छनोट प्रक्रिया लिखित परीक्षा, अन्तर्वार्ता तथा प्रयोगात्मक परीक्षामार्फत गरिने जनाइएको छ।
थप जानकारीका लागि सहयात्री समृद्ध समाजको कार्यालय, जगन्नाथ गाउँपालिकामा वा सूचनामा उल्लेखित सम्पर्क नम्बरमा सम्पर्क गर्न सकिने संस्थाले जनाएको छ ।