बाजुराको जगन्नाथ गाउँ पालिका वडा नं. ५ मा केन्द्रविन्दु बनेर आएको भुकम्पमा ४८० भन्दा धेरै घर परिवार बिस्थापित भएका छन ।
पुर्ण रुपमा जोखिम भएका १०९ घरहरू रहेका छन जहाँ बस्न निकै जोखिम रहेको देखिन्छ । केही घर परिवारले घर छोडेर खुल्ला आकाश मुनी त्रिपाल हालेर रात कटाई रहेका छन ।
स-साना बालबालिका, बुढाबुडि, गर्ववति महिला र सुत्केरी आमा लाई गरिबी संगै यो पुसको चिसो मौसममा भएको पीडा खेपिनसक्नु भएको देखिन्छ । विभिन्न संघ संस्था बाट कर्मचारी आय फोटो खिछे भिडियो बनाए केहिले राहत ल्याएर आय त केहिले राहतका लागि पहल गर्छौ भनेका छन ।
जिल्ला बाट प्रमुख जिल्ला अधिकारी, प्रहरी नायव उपरीक्षक, सुरक्षा प्रमुख, रेडक्रस र स्थानीय तहका प्रमुखले समेत प्रत्यक्ष स्थलगत अनुगमन गरि तथ्यांक संकलन गरेको छ । रेडक्रस बाजुराले भुकम्प पिडितका लागि ४० घर परिवार लाई १ थान त्रिपाल २ थान कम्बल राहत वितरण गरेको छ । सहयोग सहजीकरण रेडक्रस जगन्नाथ उपशाखा सभापति काली बहादुर धराला सचिव सनत कुमार शाही बिपद फोकल पर्सन निरेश कट्टेल र समन्वय वडा अध्यक्ष गौरी सार्कीले गरेको वडा कार्यलयले जानकारी दिएको छ ।
