बाजुरा : नेपाल कम्युनिष्ट पार्टी एमाले जिल्ला कमिटी, बाजुराको आयोजनामा २०८१ चैत्र १८ गते बाजुरा जिल्ला सदरमुकाम, मार्तडीमा ‘गणतन्त्रको पक्षमा ‘जनजागरण सभा’ सम्पन्न भयो । करिब ५०० बढी पार्टीका नेता, कार्यकर्ता, जनसमुदायको सहभागितामा भएको सभा सदरमुकामको तुफानडाँडाबाट नारा, जुलुसका साथ मार्तडीको खुला मन्चमा पुगेर सभामा परिणत भएकोथियो ।
जुलुस शुरु हुनुभन्दा अगाडि राष्ट्रय युवा संघले मोटरसाईकल ¥याली गरेकोथियो । जलुस र सभाको नेतृत्व तथा संयोजन जिल्ला कमिटी अध्यक्ष कमरेड लाल बहादुर ओलीले गर्नुभएकोथियो । खुला मन्चमा भएको सभामा उपस्थितलाई पार्टी कमिटी उपाध्यक्ष कमरेड जनक कुमार बोहराले स्वागत मन्तव्य राख्नुहुँदै गणतन्त्र कसैले घोषणा गरेरै पाएको होइन । यसका लागि तमाम नेपालीहरुले ज्यान दिएकाछन् । कमजोरीमाथि टेकेर गणतन्त्रको विपक्षमा जनता जान्छ भन्ने सोच नितान्त कुण्ठा मात्र भएको व्यक्त गर्नुभएकोथियो । सभा पार्टी कमिटी सचिव कमरेड काशी बहादुर बि.क. ले संचालन गर्नुभएकोथियो ।
सभामा मुख्य वक्ता पार्टी केन्द्रिय सदस्य तथा जिल्ला इन्चार्ज कमरेड लाल बहादुर थापाले २०४६ सालसम्म र त्यसपश्चात लोकतन्त्र तथा गणतन्त्र कालमा भएका विकास गतिविधिको तुलनात्मक विवरण प्रस्तुत गर्नुभएकोथियो । आज आएर लोकतान्त्रिक गणतन्त्रको विपक्षमा जनता उचालेर कसैले आफूलाई राजा भएको स्वेर कल्पना गर्दछ भने आँट गर्नु र निर्वाचनबाट संसदमा दुईतीहाई मत ल्याएर संविधान संशोधन गरेर राजा बन्नु । नत्र खोपीमा टुक्रक्क बसिराख्नु । उपवक्ता केन्द्रिय कमिटी सदस्य कमरेड सहदेव बोगटीले राजतन्त्रको पुनस्र्थापनाको सपना कसैले देखेको छ भने आजको समयमा उसले आफैलाई बिर्सेको मानिनुपर्ने कुरा राख्नुभयो । उपवक्ता पार्टी सुदूरपश्चिम प्रदेश कमिटी उपाध्यक्ष कमरेड काली बहादुर शाहीले ११ गते चैत्र र आजको कार्यक्रममा भएको जनताको सहभागिताले नै जनाउँछ गणतन्त्रको रक्षाका लागि जनता सडकमा उत्रिन तयार छ । व्यवस्थाभित्र विभिन्न समयमा गठित सरकारले संचालन गरेका विकास गति बारे जनताबाट भएको गुनासोलाई समातेर गणतन्त्रको विरोधमा जाने सपना केवल दुष्साहस मात्र भएको कुरा व्यक्त गर्नुभयो ।
कार्यक्रम समापन मन्तव्यमा जिल्ला अध्यक्ष कमरेड लाल बहादुर ओलीले २०४६ अगाडि बाजुराबाट ३२ दिन लगाएर वर्दीयाको राजपुरबाट नुन बोकेर ल्यएका जनता हौं । आज आएर ‘चुल्होमा तीउन, बजारबाट नुन’ गर्नसक्ने अवस्थाको सुबिधा दिलाउने लोकतन्त्र नै हो । विद्यालयमा शुःल्क तिरेर मात्र पढ्न पाइन्थ्यो । आज माद्यमिक विद्यालयसम्म निःशुल्क छ । स्वास्थ्य बीमाले उपचारमा सघाएको छ । जातीय विभेद र महिला हिंसा विरुद्धका अभियान, बाल अधिकार, मानव अधिकार जस्ता सवाल, राज्यका हरेक निकायमा ३३ प्रतिशत महिलाको सहभागिता लोकतन्त्रले नै उपलब्ध गराएको हो । आजको सभाको आयोजक नेकपा एमाले भए तापनि गणतन्त्रको पक्षमा बाजुराली जनताको मत बोलेको छ । कार्यक्रममा दूरबस्तीबाट उपस्थित हुनुभएकोमा सहभागी सबैलाई धन्यवाद व्यक्त गर्नुभएकोथियो ।
कार्यक्रमको समापन पश्चात योजना अनुसार स्थानीय देउडा खेल खेलिएकोथियो । देउडा खेलमा महिलाको तर्फबाट बडीमालिका नगरपालिका, वडा नं. ८ कि अखिल नेपाल महिला संघकि अध्यक्ष कमरेड सुना र पुरुषको तर्फबाट कमरेड धनसिंले गीत हालेर नेतृत्व गर्नुभएकोथियो ।
कार्यक्रम निकै प्रभावकारी, छरितो, व्यापक सहभागीमुलक, चुस्त भएको दर्शकहरुको प्रतिक्रिया रहेकोथियो ।
