बाजुराः बाजुराको पूर्वी उत्तरी भेगको जगन्नाथ गाउँपालिकामा केन्द्रबिन्दु बनाएर भूकम्प गएको छ । जगन्नाथ गाउँपालिकाकै ५ मा केन्द्रविन्दु बनाएर ५.२ म्याग्नेच्युडको भूकम्प गएको राष्ट्रिय भूकम्प मापन केन्द्र सुर्खेतले जनाएको छ ।

केन्द्रका अनुसार शनिबार बिहान ४ बजेर १४ मिनेट जाँदा भूकम्प गएको हो । भूकम्प गएपछि जिल्ला भुकम्पको धक्कका महसुस हुने स्थानका प्रायः जसो स्थानीय घरबाहिर निस्केका थिए । भूकम्प गएपछि स्थानीयले घर बाहिर निस्किदै होहल्ला गरेका हुन् ।

पुनः भूकम्प आउने डरले स्थानीय त्रासमा रहेका छन् । भूकम्प गएपछि जहाँ केन्द्रबिन्दु बनेको थियो उक्त स्थानमा मानविय तथा पशु चौपायामा क्षति नभएको बाँकि संरचनामा के कति क्षति भयो, भन्नेबारेमा यकिन हुन सकेको छैन् जगन्नाथ ५ का वडा अध्यक्ष गौरी सार्किले सूदुर न्युज 24 लाई जानकारि दिएका छन। भूकम्पको धक्का आसपासका जिल्ला र क्षेत्रमा महसुस भएको थियो ।